Лав уби чувар во зоолошката градина во Нигерија

Сподели со своите пријатели

Чувар на зоолошката градина на универзитет во Нигерија бил убиен од еден од лавовите за кои се грижел скоро цела деценија.

Loading...

Олабоде Олавуџи, кој бил одговорен за зоолошката градина на Универзитетот Обафеми Аволово (ОАУ), бил нападнат додека ги хранел лавовите, соопшти Универзитетот.

Колегите не можеле да го спасат чуварот бидејќи лавот му нанел фатални повреди, јавува Би-Би-Си.

Лавот потоа бил евтаназиран.

Чуварот, по професија ветеринарен техничар, се грижел за лавовите откако се родени во зоолошката градина пред околу девет години.

Управата на универзитетот нареди истрага за причините за инцидентот.

Претседателот на студентската асоцијација на универзитетот, Абас Акинреми, за нигерискиот весник „Вангард“ изјави дека нападот се должи на човечка грешка, бидејќи чуварот на зоолошката градина заборавил да ја заклучи вратата откако ги нахранил животните.

ПРОЧИТАЈТЕ И:  Луѓе кои биле во кома откриваат како тоа изгледа: Не е како на филм!