„Лада“ произведувала електрични автомобили уште пред 30 години (ФОТО+ВИДЕО)

Во последно време луѓето се повеќе се интересираат за електричните автомобили и поголемиот дел од нив се маѓепсани од моделот на Телса за кој велат дека е револуционерен и дека го променил начинот на кој ваквите автомобили се продаваат и приваќаат во светот.

Познатите светски произведувачи на автомобили веќе некое време се обидуваат да се пробијат на пазарот со електрични модели, а малку кој знае дека Лада своето прво електрично возило го произвела пред повеќе од 30 години.

Советската државна комисија кон почетокот на 80-те години од минатиот век дозволила Лада да создаде електрично возило, а на автомобилската индустрија препорачала да започне масовно производство на електрични автомобили, така што првиот модел светлината на денот ја има видено веќе во 1981. година. Тоа бил првиот електричен автомобил кој доживеал сериско производство, затоа што од производствената лента излегле вкупно 50 такви модели.

Моделот е наречен „ВАЗ (ЛАДА) 2801“, а користел никл-цинк батерии, кои се наоѓале на местото предвидено за задните врата.

Некои автомобили останале во Тољата, родниот град на Лада, каде ги користеле поштите, но и службите во големите фабрики, најчесто за испорака на оброци. Неколку модели користени биле и во Москва, но најголемиот број биле испратени во Украина.

Батериите биле тешки 380 килограми, а моторот кој имал 33 коњски сили можел да развие брзина од 90 километри на час. Инаку, ограничувањето на дометот било прилично добро дури и по современите стандарди, можело да се изминат 130 километри со едно полнење.

Меѓутоа, во тоа време во СССР не постоела никаква инфраструктура за полнење. Исто така, почетните трошоци за производство биле поголеми отколку што советските власти мислеле дека ќе чини, по започнале да го успоруваат проектот за масовно усвојување на електричните возила во СССР.

Фрабриката на Лада добила наредби да продолжи со истражувањата во насока на подобрување на електричните автомобили. Некои експериментални електричните автомобили преживеале и до денес. Поголемиот дел од нив, своите електрични мотори ги замениле со обични.