Кумановскиот театар со две претстави ја отвара новата сезона

Сподели со своите пријатели

Новата сезона за 2016 година официјално започна во Народен Театар – Куманово и тоа со две претстави за тековниот месец.

Првата претстава ќе биде „Жена од минатото“, според текст на  Роланд Шимелфениг, а во режија на Нела Витошевиќ. Истата ќе се игра на 21-ви јануари, четврток со почеток во 20 часот.ж

Темите за осаменоста, отуѓеноста, рушењето на интегритот на поединецот, влијание на случувањата од минатото врз иднината, непостоењето на етички норми и принципи, неснаодливоста во ова време се доминантни во драмата „Жена од минатото“.

Во  актерска екипа се имињата на Александра Пешевска, Игор Ангелов, Јасмина Василева, Марко Трајковиќ, Нина Максимова.

Влезот за студентите е слободен, како и секој четврток во неделата.

Loading...

Втората претстава на репертоарот на театрот е драмата „Идиоти“, според едночинките на Муза Павлова, а во режија на Мирослав Петковиќ. Истата ќе се игра во петок на 22 јануари со почеток исто во 20 часот.

„Идиоти“ од Муза Павлова, која е на еден начин „мала но голема“ драма, добива во своето значење бидејќи во неа дејствијата престануваат да бидат „слики“  и „приказни“ од Запад или Исток, туку стануваат сеопшти и „своина“ на сите нас. Искуство без идејни, временски, идеолошки или какви било ограничувања. Во актерска екипа се наоѓаат имињата: Александра Михајловска, Мартин Лазаревски, Владо Дојчиноски, Марко Трајковиќ.

Влезници за претставите можат да се набават на билетарниците на Театар Куманово секоја работен ден.


Comments are closed, but trackbacks and pingbacks are open.