Кумановец и велешанец вчера биле приведени во Куманово под сомнение за извршено кривично дело кражба.
– На 23.02.2023, полициски службеници од СВР Куманово ги лишиле од слобода Е.Б.(28) од Куманово и М.Д.(23) од Велес, информираат од полицијата.
Како што појаснуваат од СВР Куманово, тие се сомничат дека на 16.02.2023 од приватен имот на улица „Ѓорче Петров“ во Куманово одзеле повеќе предмети.
М.Д. бил баран и со судска наредба за издржување на мерка притвор во Казнено-поправната установа Затвор К’шање.
– М.Д. бил спроведено во установата за издржување на мерката притвор, а Е.Б. бил задржан во полициска станица, додаваат од СВР Куманово.
По целосно документирање на случајот против нив ќе следува соодветна пријава.
Никола Ивановски