НККР Крива Паланка до Основно Јавно Обвинителство Крива Паланка, поднесе кривична пријава против Л.В. (41) од Крива Паланка и М.Т. (32) од с.Конопница, Крива Паланка, поради постоење на основано сомнение дека сториле КД „Злоупотреба на службена положба и овластување“ по чл. 353 ст 5 вв. ст. 1 од Кривичниот законик на Република Македонија.
Како што информираат од Министерството за внатрешни работи, во временскиот период од 10.02.2017 година до 14.02.2017 година М.Т. во својство на Правник во детска градинка во Крива Паланка по усна наредба на Л.В. како одговорно лице– В.Д.
Директор на договорниот орган – ОЈУДГ„Детелинка“ Крива Паланка извршила корекција во оргиналниот Договор за вработување на определено работно време од една година склучен со В.С. (46) од Крива Паланка, за работно место-неговател во наведената институција, по што истата била отпуштена од работа на ден 29.12.2017 година, односно месец и половина порано од времето за кое склучила договор, со што на истата и била нанесена штета во вкупен износ од околу 22.000,00 денари