Секторот за внатрешни работи Куманово поднесе известување против О.П.(58) од Кратово и В.Л.(64) од Куманово, за сторено кривично дело „несовесно работење во службата“, информираат од Министерството за внатрешни работи.
Првопријавениот вработен како овластен градежен инспектор во Секторот за инспекциски надзор во општина Куманово, во март 2017 година откако констатирал дека изведбата на настрешница на објект од изведувачот правно лице „Пинус компани“ подружница ХАРФА Куманово, е спротивна на Законот за градење, изготвил решение за отстранување на бесправно изградената натстрешница.
Откако инвеститорот не ја отстранил градбата, пријавениот не презел мерки и не им изрекол парични глоби на правното и одговорното лице во износ од 9.100 евра на штета на Буџетот на Република Македонија.
Второпријавената како раководител на Сектор за инспекциски надзор, пропуштила отстранувањето на бесправно изгрдениот објект да го стави во Програмата за уривање, а не извршила и должен надзор над работењето на првопријавениот и не презела натамошни мерки за казнување на правното лице.