Прес-секретарот на претседателот на Русија, Дмитриј Песков, денеска изјави дека не знаел за постоењето на „рускиот план за приближување кон Молдавија, за кој пишуваат германските медиуми, оценувајќи дека тоа е уште една лага на западните медиуми, пренесува РИА Новости.
Кремљ, исто така, рече дека жали за „неоправданите предрасуди“ на Молдавија кон Москва и дека Русија останува отворена за добри односи меѓу Русија и Молдавија, кои, според Ројтерс, биле во фокусот по рускиот напад во Украина поради заканата да биде вовлечена во во конфликт.
Молдавското раководство е „веројатно заразено со инфекција на русофобија“, рече Песков, но исто така додаде дека „Русија отсекогаш била и останува отворена за воспоставување добрососедски, заемно корисни односи со Молдавија“, изјави Песков за новинарите денеска во Москва.
Претходно германскиот весник „Зидојче цајтунг“ наведе дека, меѓу редица други медиуми, добил и документи според кои Москва наводно подготвила план кој предвидува приближување на Молдавија кон Руската Федерација, пренесува РИА Новости.
„Не знам ништо за постоењето на таков план, не исклучувам дека се работи за уште една лажна вест, која сега многу се објавува во западните медиуми, рече Песков, одговарајќи на новинарско прашање дали знае за планот на Москва за зближување со Молдавија, за кој пишуваат германските медиуми.
Претходно, претседателката на Молдавија, Маја Санду, изјави дека земјата подготвува обиди за промена на уставниот поредок и го повика парламентот на земјата да ги заостри безбедносните закони.
Украинскиот претседател Володимир Зеленски неодамна изјави дека украинската разузнавачка служба го пресретнала наводниот „план на Руската Федерација“ за „уништување на демократскиот поредок“ во Молдавија и го предупреди Кишињев за тоа, потсетува руската агенција.
Рускиот министер за надворешни работи Сергеј Лавров ги поврза растечките обвинувања против Руската Федерација со желбата на молдавското раководство да ги отфрли обвинувањата за неуспеси во социјалната и економската политика.