Кремљ во петокот соопшти дека американскиот претседател Џо Бајден го има клучот за ставање крај на конфликтот во Украина со насочување на Киев, но дека Вашингтон досега не сакал да го искористи.
„Клучот за режимот во Киев е главно во рацете на Вашингтон“, изјави за новинарите на дневниот брифинг портпаролот на Кремљ, Дмитриј Песков.
„Сега гледаме дека сегашниот шеф на Белата куќа не сака да го користи овој клуч. Напротив, тој го избира патот за натамошно „пумпање“ на оружје во Украина“, додаде тој.
Москва често го обвинува Вашингтон дека ѝ наредува на Украина и го продолжува конфликтот со снабдување на Киев со оружје.
САД велат дека Русија по своја волја започнала брутална војна и може да ја прекине со повлекување на своите сили.
Односите меѓу двете страни се најдоа на историски минимум во текот на изминатата година, а САД објавија оваа недела дека ќе испорачаат 31 напреден тенк М1 Абрамс во вредност од 400 милиони долари на Украина за неколку месеци.
Русија вели дека секоја испорака на Абрамс би била губење пари бидејќи тие би „изгореле“ исто како и другите тенкови во Украина.
Сите информации поврзани со најновите случувања со војната во Украина можете да ги прочитате ТУКА.