Британската кралица Елизабета Втора нема да го именува следниот премиер во Лондон, туку ќе остане на имотот Балморал и тоа ќе го направи таму, соопшти во средата Бакингемската палата, пренесува Би-Би-Си.
Лицето што ќе биде избрано за нов премиер и поранешен премиер Борис Џонсон на тој начин ќе отпатува во Шкотска, што е прекин на традицијата кога е во прашање оваа церемонија, која беше најавена за 6 септември.
За време на нејзиното 70-годишно владеење, кралицата (96) ги назначи сите нови премиери во Бакингемската палата.
Лиз Трас или Риши Сунак ќе биде објавен за лидер на Конзервативната партија на 5 септември.
Се очекува Борис Џонсон да поднесе оставка до кралицата следниот ден, а неговиот наследник потоа ќе биде објавен од британскиот монарх.