Ковачевски: Среќен почеток на новата учебна година

Сподели со своите пријатели

Претседателот на Владата на Република Северна Македонија Димитар Ковачевски на сите ученици им посака среќен почеток на новата учебна 2022/23 година. Во продолжение е интегралното обраќање на премиерот по повод првиот училиштен ден.

Loading...

„Драги првачиња, драги ученици,

Пред вас е првиот училиштен ден од новата учебна година.

Ви посакувам успешен почеток, да стекнете многу нови знаења и вештини и секако ви посакувам многу нови другарства кои ќе траат цел живот. Верувајте во себе, прашувајте, преиспитувајте, истражувајте и бидете креативни, бидејќи детството и младоста се периодот кои се клучни за понатамошниот личен развој. Бидете другари и помагајте им на оние кои не можат да постигнат сѐ сами.

ПРОЧИТАЈТЕ И:  Ковачевски: Со субвенционирање на цената на струјата го намалуваме трошокот на граѓаните за пет пати

Верувајте во себе и во постигнатите резултати и никогаш не се откажувајте од зацртаните цели. Не заборавајте дека образованието е една од најважните инвестиции во животот.

Честитки и за родителите и старателите чии деца за првпат оваа учебна година седнуваат во училишните клупи во основните и средните училишта. Со вложувања и реформски процеси, ние како Влада интензивно работиме на подобрување на образовниот систем во Република Северна Македонија, со што обезбедуваме квалитетно и достапно образование за секое дете. Со вработување на образовни асистенти им даваме поддршка и вклучување во редовната настава на децата со посебни потреби. Градиме нови училишта ги реконструираме и модерно опремуваме веќе постоечките и го модернизираме нашето образование.

ПРОЧИТАЈТЕ И:  Ковачевски: Заврши времето на изобилство, ова е време на штедење

Честитки и до наставниците за првиот ден од новата учебна година. Вие сте клучот за квалитетно образование. Од вашиот ангажман, зависат постигнатите резултати кај учениците. Затоа бидете нивна поддршка, инспирација и поттик во создавањето на индивидуи кои утре ќе бидат движечката сила и умот на државата.

Продолжуваме и понатаму да го јакнеме наставниот кадар за кој од септември предвидовме покачување на платите, но и континуирани обуки за новите наставни програми. Вложувањето во образованието значи директна инвестиција во економскиот раст и просперитетот на Република Северна Македонија.

Loading...
ПРОЧИТАЈТЕ И:  Македонци,вратете ја куќата „ Македонија“ оти ќе останете „бездомници“!

Драги деца, родители и наставници останете во добро здравје и среќно на сите”, рече Ковачевски.