Кошаркарките на Куманово впишаа трета победа во низа во Првата женска кошаркарска лига, а овој пат на домашен терен „падна“ екипата на Пелистер од Битола.
Кумановки одлично го отворија натпреварот и одржуваа водство во текот на целото прво полувреме кое заврши со висока двоцифрена предност и резултат 42:18.
И во вториот дел од средбата кумановки го задржаа добриот ритам на игра и за конечен резултат од 68:41.
Ова е трета победа во низа за избраничките на тренерот Мартин Антевски кои првин го симнаа Шкупи од лидерската позиција во табелата, потоа на гостински терен го совладаа составот на Пониква и денеска убедливо трумфираа и против Пелистер.
Во составот на Куманово со 21 поен најефикасна беше Стефанија Костадинова, 14 поени впиша Теа Алексовска, а двоцифрен број поени, или десет имаше и Александра Петрушевска.
Никола Ивановски