20.05.2019 09:56

Кошаркарите на Куманово го совладаа Кожув


Кошаркарите на Куманово ја забележаа првата победа во Суперлигата од домашниот шампионат, откако на домашен терен викендов го совладаа составот на Кожув од Гевгелија со резултат 87:74.

Гостинскиот состав убедливо го стартуваше натпреварот, па за само 10 минути на паркетот направија водство со резултат 23:13 кое во втората четвртина кумановци успешно ја намалија и на полувреме се замина со 40:36, односно водство за домаќинот.

loading...

Во третата четвртина Куманово брилираше па со десет поени го надигра својот противник, за да во конечните десет минути игра влезат со резултат 60:53.

Кожув се мачеше во последната четвртина да ја достигне разликата на Куманово, но избраниците на тренерот Александар Петровиќ беа доследни на својата игра и ја запишаа првата победа по девет одиграни натпревари во овој дел од сезоната.

Со 23 поени во дресот на Куманово најдобар беше Бранислав Ѓекиќ, 20 запиша Адем Мекиќ, а 12 Игор Пенов.

Со по 11 поени најефикасни кај поразениот тим се Ивелја и Кесар.

Веќее извесно дека ниту Куманово ниту Кожув нема да бидат дел од трката за пехарот во шампионатот, бидејќи токму овие две екипи се на дното од табелата.


© Со преземање на содржината ги прифаќате Условите за преземање содржини
Loading...

Последни наслови

Facebook Comments