Силициумската Долина е јужниот дел од заливот на Сан Франциско. Името отпрвин било поврзано со големиот број на произведувачи на интегрирани кола кои постојат во регионот, но, со време има станато синоним за сите бизниси кои се занимаваат со висока технологија.
Силициумската Долина го опфаќа северниот дел на Санта Клара Долината и соседните места во јужните делови на Санфранцисканскиot Полуостров и источниот залив. Долината се простира отприлика од Менло Парк (на полуостровот) и областа Фримонт – Њуерк во Источниот Залив, па сè до Сан Хозе, со центар во Санивејл. Делот од Калифорнскиот пат 17 кој поминува низ планинскиот венец Санта Круз, долината Скотс и градот Санта Круз понекогаш исто се сметаат за дел од долината.
Името Силициумска Долина било за прв пат употребено од новинарот Дон Хефлер во 1971 година. Името го искористил како наслов („Силициумска Долина, САД“) на серија на статии кои ги напишал за неделникот Електроник Њуз. Првата статија била објавена на 11 јануари, 1971. Хефлер така го нарекол регионот бидејќи таму се наоѓа долината Санта Клара a сè повеќе компании кои се основале биле поврзани со полупроводничката и компјутерската индустрија.
Името понекогаш се користи и за околниот регион низ целиот залив бидејќи технолошката индустрија се има проширено насекаде. Од геолошки аспект, вдлабнината во земјата која што ја има направено Силициумската Долина го има направено и целиот залив; единствената разлика е надморската височина.
Во 1970-тите и 1980-тите, многу новинари често и погрешно ја нарекувале долината Силиконска Долина. Во тоа време силициумот сѐ уште не бил дел од секојдневниот живот на американците и новинарите често мислеле дека точното име било всушност Силиконска Долина (на англиски, силициум се пишува „silicon“ додека силикон се пишува „silicone“).
Илјадници високо-технолошки компании се со седиште во Силициумската Долина; следниве компании се наоѓаат на листата на Форбс 500:
Adobe Systems
Advanced Micro Devices
Agilent Technologies
Altera
Apple Computer
Applied Materials
BEA Systems
Cadence Design Systems
Cisco Systems
Corsair Memory
DreamWorks Animation
eBay
Electronic Arts
Hewlett-Packard
Intel
Intuit
Juniper Networks
Logitech
Maxtor
National Semiconductor
Network Appliance
NVIDIA Corporation
Oracle Corporation
Pixar Animation
Siebel Systems
Sun Microsystems
Symantec
Synopsys
Varian Medical Systems
Xilinx
Yahoo!
Следниве компании се попознати компании со седиште во Силициумската Долина (некои повеќе не постојат или се купени од други компании):
3Com
Adaptec
Amdahl
Atmel
Cypress Semiconductor
Foundry Networks
Hitachi Global Storage Technologies
Knight-Ridder (превземена од The McClatchy Company)
LSI Logic
McAfee
Netscape (превземена од AOL)
NeXT Computer, Inc. (сега Apple)
Palm, Inc.
PalmSource, Inc.
PayPal (сега дел од eBay)
Rambus
Redback Networks
SanDisk
Sumco USA (поранешно име Sumitomo)
Silicon Graphics
Solectron
TiVo
VA Software (Slashdot)
VeriSign
Veritas Software (превземена од Symantec)
VMware (превземена од EMC)
Силициумската Долина е исто дом на ланецот на електронски продавници Fry’s Electronics.