Концертите на дуетот „Дац и Александар“ и Влатко Стефановски со „Balkan Trio B/G“ ќе се одржат во Sofia Live Club, НДК, со почеток од 20:00 часот.
Дуетот „Дац и Александар“, Драган Спасов-Дац и Александар Митевски, на 18 ноември ќе се погрижат за смеата и забавата по време на концертот, на кој ќе ги исполнат нивните познати песни, полни со ведар дух и позитивна енергија.
Концертот на Влатко Стефановски со „Balkan Trio B/G“ е предвиден за наредниот ден – недела, 19 ноември. Влатко Стефановски – гитара, Теодосиј Спасов – кавал и вокал, Васил Хаџиманов – пијано повторно се собираат, за да ни подарат уникатно звучење на различни стилови балкански фолклор, блуз, поп, рок и џез.
Повеќе информации за билетите, концертите и фестивалот на следните линкови:
http://sofest.avgroup-bulgaria.com
https://www.facebook.com/SoFestSofia
https://www.instagram.com/sofest_sofia