Во современиот свет, вообичаено е луѓето да ги користат своите телефони пред спиење, па дури и да ги држат под перница или до неа за време на спиењето.
Но, колку е опасно за вашето здравје да спиете со мобилен телефон до вас?
На почетокот на ерата на мобилните телефони, многу лекари и научници сугерираа дека зрачењето што го емитуваат овие уреди може да придонесе за развој на рак.
Сепак, докази за поддршка на оваа теорија никогаш не се пронајдени.
Пред да излезат на пазарот, денешните паметни телефони се подложени на опсежно тестирање за да ги добијат потребните безбедносни сертификати.
Во секој случај, треба да се биде внимателен, особено навечер, сметаат експертите.
Треба да се напомене дека штетата предизвикана од телефоните сѐ уште не е целосно проучена. Општо правило е да не спиете гушкајќи го. Не ставајте го под перницата или до креветот.
Повеќето уреди се сертифицирани за изложеност на растојание од половина метар. На оваа дистанца, нивното влијание врз здравјето е минимално.
Од таа причина, се препорачува да не го држите телефонот близу до главата.
Исто така, специјалистот препорачува употреба на безжични слушалки за да се избегне интензивен контакт на телефонот со главата.
Ако зборувате многу по телефон, можете да го држите телефонот дури и на маса – телефонот нема да ве зрачи, слушалките ќе зрачат, но тоа зрачење нема да предизвика никаква штета на телото.
Ако мобилната базна станица е далеку или врската е слаба – на пример во селата – тогаш телефонот троши многу енергија за да комуницира со базната станица и ќе емитува повеќе зрачење.
Експертотте, исто така, потсетуват дека е особено важно луѓето со пејсмејкер да не го држат телефонот премногу блиску, бидејќи мобилниот телефон може да предизвика електромагнетни пречки и да влијае на работата на срцевиот апарат.