Кокаински ајкули се појавија во водите на Атлантскиот Океан кај југоисточниот брег на САД, пишува Гардијан, кој наведува дека ова звучи како сценарио на евтин филм за катастрофа со морска тема.
Сепак, британскиот весник пишува дека научниците веруваат дека гладните ајкули во областа се гостат со бали халуциногени дроги што шверцерите ги фрлаат на брегот на Флорида.
Додека документарниот филм „Кокаински ајкули“, за кој Гардијан пишува дека е главната карактеристика на претстојната Недела на ајкулите на Discovery Channel, се вели дека всушност проучува дали овие океански предатори голтаат пловечки наркотици, научниците зад програмата велат дека тоа е повеќе од обична забава.
– Тоа е примамлив наслов кој фрла светлина на вистински проблем, а тоа е дека сè што користиме, сè што произведуваме, сè што внесуваме во нашите тела, завршува во нашите отпадни води и природни водни патишта, и дека водниот свет, од кој зависи нашиот опстанок, е изложен на сето ова – рече д-р Трејси Фанара од Флорида, која го предводеше истражувачкиот тим во овој документарен филм.
Таа рече дека тимот проучувал студии за ефектите на дрогата, кокаинот, метамфетаминот, кетаминот и другите дроги врз рибите.
– Доколку тие бали кокаин се локализирани и стационарен извор на загадување, многу е веројатно дека ајкулите ќе бидат под влијание на таа хемикалија. Кокаинот се раствора толку лесно што, ако некое од тие пакувања се отвори само малку, се нарушува структурниот интегритет и догата е во вода – изјави Фанара.
Таа и Том Хирд, британски поморски биолог, поминале шест дена истражувајќи во морето околу Флорида Кис, серија мали острови на самиот југ на таа американска држава.
Се вели дека забележале чудно однесување кај ајкулите, па еден вид ајкула која обично ги избегнува луѓето, директно им пришла на нуркачите, движејќи се на необичен начин.
Покрај тоа, истражувачите забележале ајкула од песок како плива во кругови околу замислен објект.
Спровеле и експерименти, вклучително и фрлање лажни топчиња кокаин во водата, каде што дошле многу ајкули и ги каснувале, а освен тоа, научниците ги наполниле топчињата со високо концентриран рибен прав сличен на кокаин, кој служел како мамка.
Гардијан известува дека Флорида служи како појдовна точка за големи количини на дрога што пристигнуваат во САД од Јужна Америка, а шверцерите често фрлаат купишта кокаин обвиени со пластика кога ги бркаат органите на редот или ги губат на море.
Минатиот месец американската крајбрежна стража објави дека запленила нелегални наркотици во вредност од 186 милиони долари од водите на Карибите и Јужна Флорида.
When sharks get high on drugs!
According to a study, sharks react to cocaine in a similar fashion like humans.@eriknjoka tells you more
Watch more: https://t.co/wojetdJccS pic.twitter.com/t0PmA7yADd
— WION (@WIONews) July 22, 2023