Кина има цел да создаде систем за препознавање лица во светот и има намера тоа да го направи со проектот на Министерството за јавна безбедност започнат во 2015 година, а кој се развива во соработка со компанијата за безбедност чие седиште е во Шангај.
Кина, инаку, веќе вградила повеќе од 170 милиони најсовремени камери за надзор ширум земјата.
Целта на оваа најмодерна мрежа е да се идентификува било кој од 1,4 милијарди граѓани во рок од три секунди, а само минатиот септември, Кина инсталирала над 20 милиони безбедносни камери ширум држава, пишува Дејли мејл.
Освен овој систем опремен со најнапредна вештачка интелигенција и софтвер за препознавање лица, се спротивставува на криминалот се и високотехнолошките очила за сонце кои полицијата во Централна Кина ги користи, а кои се опремени со технологија за препознавање лица за да се воочи осомничен за криминал на железничките станици.
Исто така сообраќајната полиција в Шенжен монтирала 40 комплети камери за надзор под името „робокап“ за да идентификува лица на непослушни возачи и го регулира сообраќајот.
Во истиот град на пешачки премин пешаците добиваат известување за паричната казна откако ќе ги прекршат правилата, а истовремено фотографии и имиња на луѓе кои преминуваат улица на црвено светло се проектираат на големи ЛЕД екрани.
На големите стадиони со користење на технологијата за препознавање лица како дел од безбедносните мерки, полицијата за два месеци уапсила тројца бегалци на концертите на пејачите Џеки Чунга во Хонг Конг.
Кина воведе и препознавање лица во други јавни сфери, од надгледување на студентски домови до ограничувања за користење тоалет хартија во јавните тоалети, а противниците на ваквиот систем наведуваат дека со овие методи Кина во целост ја укинува слободата на своите граѓани, пишува Дејли мејл.