Баи Тианхуи, поранешниот извршен директор на компанијата за управување со финансиски средства „Чајна Хуаронг Интернешнл Холдингс Лтд.“, беше егзекутиран во Кина откако беше осуден за примање мито во вредност од 156 милиони долари.
Егзекуцијата е извршена во северната кинеска општина Тјанџин по одобрување од Врховниот народен суд, според државната новинска агенција „Синхуа“.
Пресуда и казна
Со пресудата донесена во мај 2024 година, Баи е осуден на смрт, му се одземени политичките права доживотно, му е наредена конфискација на неговиот личен имот и е наредено целиот негов нелегално стекнат имот да се врати во државната каса.
Баи поднесе жалба на пресудата, но Вишиот народен суд во Тјанџин ја отфрли неговата жалба во февруари оваа година.
Детали за злосторството
По прегледот, Врховниот народен суд утврди дека Баи ја злоупотребил својата позиција помеѓу 2014 и 2018 година за нелегално да прими мито во вкупен износ од 1,108 милијарди јуани (скоро 157 милиони долари).
Врховниот народен суд пресуди дека злосторствата на Баи се особено сериозни и ја потврди пресудата на Вишиот народен суд во Тјанџин со која се потврдува смртната казна.
На Баи Тјанхуи му беше дозволено да се сретне со своите роднини пред неговата егзекуција.
China on Tuesday executed Bai Tianhui, former general manager of China Huarong International Holdings Limited, after being convicted of bribery.
The execution was carried out by a court in north China’s Tianjin Municipality, following the approval of the Supreme People’s Court. pic.twitter.com/kHMF7nv5bz— People’s Daily, China (@PDChina) December 9, 2025