Кина: Почина жена заразена со комбинација од два вида на птичји грип

Сподели со своите пријатели

Во Кина е забележан смртрен случај од инфекција предизвикана од комбинација на два вида на птичји грип, H3N2 и H10N5, соопшти кинеската Национална управа за контрола и превенција на болести, додавајќи дека преносот е помеѓу видови, но дека ризикот за пренесување од човек на човек е низок.

Loading...

Една постара жена од провинцијата Анхуи, која имала истовремени болести, пријавила дека развила кашлица, болка во градите, треска и други симптоми на 30 ноември и починала нешто повеќе од две недели подоцна на 16 декември, се вели во соопштението на кинеската Национална управа за контрола и превенција на болести.

ПРОЧИТАЈТЕ И:  Пронајдено тело на познат водител и негов партнер - полицаец осомничен за нивното убиство

Тестирањето на блиските контакти на 63-годишната жена било негативно, се наведува во соопштението и се додава дека не се пријавени други случаи на заболени од споменатата комбинација на соеви на птичји грип.

Анализата на целата геномска секвенца на вирусот покажа дека вирусот H10N5 е од птичји потекло и нема способност ефикасно да зарази луѓе, соопшти агенцијата.

Регистрираната смрт, според Кинеската национална администрација за контрола и превенција на болести, претставува редок пренос на вирусот меѓу видовите, од птица на човек.

Ризикот од вирусот да зарази луѓе е низок, додава агенцијата.

Кина има голема популација на одгледувани и диви птици од различни видови, што, според Ројтерс, е идеално опкружување за мешање и мутација на птичји вируси.

ПРОЧИТАЈТЕ И:  Тројца мажи во Британија обвинети за планирање терористички напад