Пред десет дена, 42-годишниот Либанец Басам ал Шеик Хусеин влегол во банка во Бејрут со канистер со гориво и оружје.
Тој ги привел вработените во банката, како и другите клиенти кои биле внатре. И стана народен херој.
– Бев во огромни долгови. Ми требаа пари и за лекување на татко ми. И не ми дозволија да пристапам до моите заштеди. Затоа го направив тоа – изјави Хусеин на Vice.
Според сопствените тврдења, тој има околу 200.000 долари во Федералната банка до кои не можел никако да пристапи.
– Му реков на шефот на банката: „Ако не можам да ги добијам парите, тогаш ќе дојдам и ќе ви ја запалам канцеларијата“. Откако разговорот не успеа, се вратив со гориво – вели 42-годишникот.
Attorney General Judge Ghassan Khoury on Tuesday ordered the release of Federal Bank hostage-taker Bassam Al-Sheikh Hussein. The National News Agency said the decision was taken after the bank dropped the lawsuit against the defendant. pic.twitter.com/bQDjHv7YBA
— KUWAIT TIMES (@kuwaittimesnews) August 16, 2022
На заложниците им рекол дека нема да им наштети, а целиот „грабеж“ заврши по пет часа преговори со управата на банката и полицијата.
Банката се согласила да му плати на Хусеин околу 35.000 долари, а му ветиле и дека ќе може да подигне по 400 долари дневно.
Поради своите постапки тој заврши во петдневен притвор, но обвиненијата подоцна беа отфрлени.
– Чувствував неверојатна, божествена сила во тие моменти. Имаше толку многу гнев во мене. Бев подготвен да пролеам крв – вели тој.
Многу сонародници сега го слават како херој. Некои од нив за време на заложничката криза беа пред канцеларијата и „навиваа“ за Хусеин. Како што минуваше времето, се собраа неколку стотици луѓе.
– Негови пари се. Тие се разбојниците во оваа приказна. Очигледно тоа беше единствениот начин – изјавија за медиумите.
На социјалните мрежи се појавија и снимки од настанот.
#Lebanon: A man has taken as many as 10 people hostage in a Beirut bank today after he was denied the ability to withdraw savings to pay his father’s medical bills. The man, named Bassam al-Sheikh Hussein, reportedly was denied access to $210,000. https://t.co/7f0EkEPm72 pic.twitter.com/omqfZDucki
— POPULAR FRONT (@PopularFront_) August 11, 2022
Но, банката, вели Хусеин, не го исполнил ветувањето и тој не може да го подигне договорениот дневен лимит од 400 долари.
Затоа тој најави нов напад на една од филијалите на Федералната банка.
– Тие се лажговци. Ми ветуваа секакви работи, само да го спуштам оружјето. Но, тие не го исполнија договорот. Ќе се вратам во банка за повеќе од моите пари. Можеби овој пат ќе дојдам со гранати. Можеби ќе дојдам во истата филијала, а можеби и ќе изберам друга – вели Хусеин.
Vice додава дека, иако банката го повлекла обвинението и случајот бил отфрлен, постои можност поради првиот „грабеж“, Хусеин сепак да заврши на суд…