Во интервју за страницата Goop, сексуалните терапевти Даниеле Харел и Селести Хиршман разменија мислења за подобрување на интимноста меѓу партнерите и дадоа вредни и практични совети за тоа како да го подобрите вашиот сексуален живот и сексуалната свест.
„Луѓето имаат секс за да почувствуваат нешто“, рекоа Харел и Хиршман. Прашањето е колку луѓето се задоволни од нивниот сексуален живот и што може да се направи за да се подобрат односите со партнерот?
Совршен секс не се случува спонтано, паровите треба да поработат на тоа. Јазикот на интимност мора да се негува. Харел и Хиршма им помагаат на клиентите да развијат ранливост, интимност и да се поврзат преку допир. Двајцата создадоа заеднички соматски метод и обично се занимаваат со следниве прашања:
Дали секој го добива сексот што го сака?
Дали луѓето имаат доволно простор за сексуалност во животот или врската?
Кога клиентот е загрижен за лошиот сексуален живот, Хиршман ги советува прво да размислат од каде потекнува овој недостаток на блискост.
Луѓето често се согласуваат на лош секс затоа што сметаат дека тоа треба да се случи спонтано и не ги искажуваат своите желби. Повеќето парови, истоштени и уморни, чекаат нивните деца да заспијат за да се поврзат со нивната сексуална енергија. Треба да бидеме свесни зошто луѓето воопшто имаат секс. Чувството што го обезбедува сексот е клучно. Луѓето сакаат да се чувствуваат живо, возбудено, пожелно. Најдобрите сексуални искуства се паметат со чувство, а не со техника.
Прашајте го вашиот партнер што сака да чувствува за време на сексот? Какво чувство му треба? За некои е доволна прошетка во природа со партнерот за да се возбуди, на други им е потребна предигра, а некои сакаат да се чувствуваат доминантно или потчинето. Паровите се поврзуваат повеќе преку откривање на нивните желби. Ова ја продлабочува љубовта и страста.
Харел ве советува да напишете љубовно писмо до вашиот партнер. Многумина не се чувствуваат пријатно да зборуваат за тоа и полесно се изразуваат во писмена форма. Напишете ги своите фантазии во писмена форма, не за да се оствари сè, туку за да ја продлабочите блискоста. Во своите книги „Водење љубов реално“ и „Доаѓање заедно“, Харел и Хиршан ги опишуваат вежбите што паровите треба да ги практикуваат. Може да читате книги едни на други и да ги подвлекувате деловите што ве возбудуваат, или само да седите и да гледате како дишете едногласно. Потребен е различен пристап за секоја личност.
Хиршан верува дека човекот треба да си го сака своето тело за да може сексот да биде подобар, бидејќи колку повеќе сте во хармонија со вашето тело и знаете што сака, толку повеќе ќе уживате со вашиот партнер. Ако постојано го критикувате вашето тело, нема да верувате дека тоа му се допаѓа на вашиот партнер.
Исто така, нема магија, инстант решение за подобрување на интимноста во врската. Треба да се даде простор за учење и генерирање на наученото. Одете бавно и дајте му на вашиот партнер доволно информации за тоа што сакате. Бидете љубопитни и имагинативни.
