Книгата не треба да се оценува според корицата, но науката докажа дека токму тоа го правиме и ние.
Луѓето имаат тенденција да создаваат впечаток на личност во првите 7 секунди по запознавањето – иако тоа е често погрешно, ние остануваме на тоа прилично долго време.
Што точно заклучуваме по толку кратко време?
Доверливост
Десетина од секундата е доволна за да процениме дали можеме да веруваме на некого. Истражувањето било спроведено меѓу студенти: едната група имала 100 милисекунди за да процени привлечност, агресија, симпатија, сигурност и некои други карактеристики на лицата на актерите, додека другата група не била ограничена во времето.
Размислувајќи за карактеристиките, на некои им требало повеќе, а на некои помалку, освен кога станува збор за сигурноста – и двете групи го оцениле во иста временска рамка.
Финансиска состојба
Вашиот статус може да се открие со облеката што ја носите; истражувачите откриле дека луѓето кои носеле брендирана облека (на пр. Лакоста и Том Хилифигер) биле перцепирани како „побогати“.
Сексуална ориентација
Дали знаевте дека е потребна само една секунда за да се процени туѓа сексуална ориентација врз основа на гестови, изглед, изрази на лицето и држење на телото, тврдат експертите.
Интелигенција
Дали некој ќе ве доживее како интелигентна личност, исто така може да зависи од вашиот начин на комуникација и „контакт со очите“ за време на разговорот.
„Контакт со очи“ за време на разговор е многу важен. Дава впечаток на интелигентна личност, а најспособните меѓу нас знаат како да го користат и да го свртат во своја полза.
Склоност кон промискуитетност
Едно истражување покажа дека Британците различно ги перцепираат жените со тетоважи; ги сметаат за помалку привлечни и попромискуитетни од припадничките на понежниот пол чија кожа не е „украсена“ со цртежи.
Доминација
Иако многу мажи очајуваат поради опаѓање на косата, студија од Универзитетот во Пенсилванија покажа дека немаат причина да бидат тажни – ќелавите мажи се карактеризираат како подоминантни од оние кои имаат коса.
Авантуристички дух
Изгледот не е единственото нешто што луѓето го „мерат“ – тие создаваат некои впечатоци од начинот на движење. Ние ги перцепираме луѓето кои одат порелаксирано како поотворени и авантуристички.