Кај Португалија пронајдени остатоци од брод стари 400 години

Нуркачи проначле зачини, девет бронзени топови со угравиран грб на Португалија, кинеска керамика и школки кои биле користени како пари за трговијата со робови во колонијалниот период.

Археолозите кај брегот на Португалија пронашле остатоци од брод стар 400 години, за кој веруваат дека потонал кај Лисабон откако се вратил од Индија полн со зачини, соопштиле експертите.

– Од аспект на наследството, ова е откритие на деценијата. Во Португалија ова е најзначајно откритие на сите времиња, рекол директорот на истражувачкиот проект Хорхе Фреире, пренесува Ројтерс, со напомена дека остатоците се пронајдени во рамките на 10-годишниот археолошки проект.

Пронајдени остатоци од брод со богатство од 17 милијарди долари

Во пронајдените остаоци и околу нив, 12 метри под површината на морето, нуркачите пронашле зачини, девет бронзено топови, кинеска керамика и школки.

Бродот е пронајден на 3. септември кај брегот Каскаиса, туристичко гратче во Лисабон, а предметите кои биле пронајдени се добро сочувани.

Фреире и неговиот тим веруваат дека бродот потонал помеѓу 1575. и 1625. година, кога португалската трговија со зачини со Индија земала замав.