Северна Кореја можеби е подготвена да ѝ обезбеди на Русија нов тип ракета, а со дополнителни ракетни тестови може да предизвика ескалација на тензиите пред изборите во Јужна Кореја и Америка, изјави јужнокорејскиот министер за одбрана.
„Северна Кореја, на која ѝ требаат пари, активно продава ново оружје што го сака Русија“, изјави министерот за одбрана Шин Вон-сик за Јонхап, пренесува Ројтерс.
Шин ја наведе посетата на севернокорејскиот лидер Ким Џонг-ун оваа недела на фабрика за муниција, каде што тој изврши увид во објект што можеби развива балистички ракети со краток дострел способни да носат тактички нуклеарни боеви глави.
Северна Кореја, која претходно најави дека ќе распореди ракети на своите војници на линијата на конфронтација, може да продаде дел од нив и на Русија, со оглед на постоењето сомнежи дека неодамна продала балистички ракети со краток дострел, рече Шин.
Сите информации поврзани со најновите случувања во Северна Кореја можете да ги прочитате ТУКА.