Јапонската армија денеска соопшти дека забележала четири големи руски амфибиски бродови кои пловеле во близина на јапонските острови додека се движеле кон запад, веројатно кон Европа.
ОРБАН: Следната недела очекуваме поголем бран бегалци од Украина
Сликите на амфибиски транспортери, кои вообичаено се користат за слетување на експедиционите сили на брегот, покажуваат како изгледа воен камион натоварен на палубата на еден од бродовите, според Ројтерс, врз основа на преглед на фотографии објавени од јапонското Министерство за одбрана.
„Не знаеме каде одат, но нивните движења сугерираат дека е можно тие да одат во Украина“, рече портпаролот на јапонското Министерство за одбрана на прашањето дали бродовите можат да одат во таа земја.
Поморска патрола на јапонските сили за самоодбрана прва ги идентификуваше руските бродови во вторникот и ги надгледуваше додека минуваа низ тесниот премин Кугару.
Воен портпарол додаде дека е невообичаено руските бродови да минуваат низ морето во близина на јапонската територија.