Јапонската влада покрена национален натпревар во кој се повикува на идеи за охрабрување на луѓето да пијат повеќе, откако промената на ставовите кај младите за алкохолот доведе до пад на даночните приходи.
„Sake Viva“ е името на кампањата што ја води Националната агенција за приходи (НТА), која бара од оние на возраст од 20 до 39 години да дадат предлози за да помогнат во ревитализацијата на популарноста на алкохолните пијалаци, кои паднаа во немилост поради на промените во животниот стил за време на пандемијата на коронавирус и кај младите луѓе.
Конкурсот, кој трае до 9 септември, повикува на „нови производи и дизајни“, како и начини за промовирање на пиењето дома.
Учесниците исто така се охрабруваат да истражуваат методи за продажба користејќи го метаверс, според локалната страница jiji.com.
НТА соопшти дека потрошувачката на алкохол во Јапонија е намалена од просечни 100 литри по лице годишно во 1995 година на 75 литри во 2020 година.
Намалувањето на продажбата на алкохол го погоди јапонскиот буџет и го продлабочи буџетскиот дефицит.
Даноците на алкохол сочинуваат 1,7 отсто од даночните приходи на Јапонија во 2020 година, три отсто во 2011 година и пет отсто во 1980 година.
Вкупниот приход од данок на алкохол во фискалната 2020 година падна за повеќе од 110 милијарди ¥. Тоа е најголем пад на приходите од данокот на алкохол во последните 31 година, според Japan Times.
„Бидејќи работата од дома донекаде напредуваше за време на пандемијата, многу луѓе можеби се прашуваа дали треба да ја продолжат навиката да пијат со колегите за да ја продлабочат комуникацијата“, рече претставник на агенцијата.
Исто така, забележан е особено остар пад на потрошувачката на пиво, со пад на продажбата за 20 отсто на помалку од 1,8 милијарди литри.