Студијата на Универзитетот во Вестминистер тврди дека гледањето хорор филмови помага да се губат телесната тежина бидејќи го забрзува пулсот. Но, една студија на Либанско-американскиот универзитет во Њујорк тврди дека гледањето страшни филмови ги „тера“ луѓето да посегнат по мрсна храна и да се здебелат.
Кога гледаат напнати или насилни филмови, луѓето се чувствуваат нервозни, исцрпени и под стрес, па се обидуваат да најдат утеха во грицките.
За разлика од нив, романтичните комедии и наративните филмови не предизвикуваат исти емоции, а додека ги гледале, гледачите не изеле толку многу чипс и чоколадо.
Интензивните филмови ги наведуваат луѓето да уживаат во храната за да го ублажат стресот предизвикан од хормоните кои се „будат“ на напнати филмови, велат научниците.
Истражувачите тврдат дека нивната студија е прва што го истражува влијанието на филмовите врз апетитот и изборот на храна.
Претходните истражувања ги поврзуваа насилните видео игри со зголемен апетит.
Резултатите укажуваат дека не само седењето е фактор кој доведува до зголемување на килограмите, туку и она што се прикажува на екранот.
Во истражувањето учествувале 84 учесници на возраст меѓу 20 и 30 години кои по случаен избор биле доделени да гледаат насилен филм или романтична комедија.
Пред студијата, биле извршени различни мерења, вклучително и отчукувањата на срцето, крвниот притисок и силата на стисокот, а биле проценети и нивото на стрес и апетит.
На гледачите им бил даден послужавник со голем број закуски кои вклучуваа пуканки, чипс, бисквити, чоколада, јаболка, сок од портокал и кока-кола. На учесниците им било дозволено да јадат што сакаат, а истражувачите ги оставиле сами за време на филмот за да можат да се релаксираат.
Луѓето кои го гледале насилниот филм биле понервозни, тажни и исцрпени откако го гледале, а оние кои ја гледале романтичната комедија не покажале промени.
Ниту еден од учесниците немал разлики во апетитот и гладот во споредба со почетокот на филмот, според наодите објавени во Eating Behaviors.
Но, „насилната група“ јадела повеќе додека го гледала филмот, во просек 6,45 отсто од изедената храна, во споредба со „романтичната група“ со просек од 4,93.
– Нашите резултати покажуваат дека насилните филмови имале стресно и интензивен ефект врз гледачите, иако гледањето на филмот е пасивна активност – велат авторите на студијата, предводени од д-р Лама Матара.
Од 42 учесници во експерименталната група, 62 отсто конзумирале повеќе од две масни материи, а 71,4 отсто повеќе од две солени јадења. Не биле забележани значајни разлики во потрошувачката на слатки производи помеѓу двете групи.
– Овој резултат имплицира дека зголемувањето на телесната тежина и дебелината не се поврзуваат само со седењето како активност, туку и со внесот на грицки со високо ниво на енергија, односно калории. Причината за тоа е што калоричните грицки се познати како вкусна храна која го ублажува стресот и поттикнува позитивни емоции, како што е чувството на благосостојба и сигурност – велат авторите.
Така, врз основа на овие две студии, може да се заклучи дека ќе ослабете ако не јадете ништо додека гледате хорор филмови, но ако ставате грицки пред вас за време на напнат филм, очекувајте нешто да ви се „залепи“ околу половината.