Израелската армија уби 17-годишен Палестинец

Сподели со своите пријатели

Израелската армија денеска уби 17-годишен Палестинец на Западниот Брег, соопштија палестинските власти.

Loading...

Палестинското Министерство за здравство соопшти дека Одаи Салах (17) бил застрелан во главата, а сѐ уште не се познати сите околности за неговата смрт, пренесува АП.

Израелската војска соопшти дека единици дејствувале во родниот град на двајца палестински вооружени лица одговорни за убиството на израелски офицер за време на престрелката во средата, кои подоцна биле убиени од израелски војници.

ПРОЧИТАЈТЕ И:  Активисти на Гринпис го прекинаа говорот на британската премиерка

Израелските војници се подготвувале да ги урнат куќите на овие напаѓачи и да ги уапсат во селото Куфр Дан, во близина на градот Џенин, кој е упориште на палестинската вооружена борба против Израел, наведува АП.

Израел најави дека со уривањето на куќите на напаѓачите сака да го одврати идното насилство, додека критичарите на оваа акција тврдат дека оваа тактика е колективна казна.

Во последните месеци, израелската армија спроведува речиси секојдневни рации на Западниот Брег по вооружените напади на Палестинците во израелските градови.

ПРОЧИТАЈТЕ И:  Земјотрес во Иран, најмалку 276 повредени

Израел го освои Западниот Брег, заедно со Источен Ерусалим и Појасот Газа, во војната во 1967 година, а Палестинците ги сакаат тие територии во своја држава.