Околу 80 лица беа повредени во иранските напади врз Израел, вклучувајќи три лица кои беа сериозно повредени и подоцна им подлегнаа на раните, соопштија израелски претставници.
Според соопштението од официјалната медицинска служба на Државата Израел, Маген Давид Адом, уште неколку лица беа сериозно повредени, додека останатите беа лесно до умерено повредени или страдаа од акутна анксиозност, објави „Тајмс оф Израел“.
Израелските одбранбени сили (ИДФ) објавија дека десетици израелски воени авиони извршиле серија воздушни напади во областа на Техеран во текот на ноќта.
Меѓу многуте погодени цели беше и инфраструктурата за воздушна одбрана на Иран, според ИДФ.
„За прв пат од почетокот на војната, десетици борбени авиони на воздухопловните сили прелетаа над Техеран, на повеќе од 1.500 километри од Израел, и нападнаа одбранбени системи во областа на Техеран“, рече командантот на ИДФ, Томер Бар.
ИДФ, исто така, соопшти дека воздухопловните сили, откако се вклучија сирените во близина на Мртвото Море и во јужниот дел на Западниот Брег, пресретнале неколку беспилотни летала лансирани кон Израел од Иран.