Израел утрово нападна област во близина на нуклеарниот реактор за тешка вода Кондаб во централен Иран, кој е дел од нуклеарната програма на Иран, објави Иранската новинска агенција (ISNA).
Агенцијата наведува дека иранските власти објавиле дека објектот бил евакуиран пред нападот и дека нема ризик од зрачење.
Израелската војска ги предупреди Иранците да го евакуираат подрачјето на нуклеарниот реактор со тешка вода, кој се наоѓа на границата меѓу градовите Арак и Кондаб во централен Иран, поради сопствена безбедност, објави „Тајмс оф Израел“.
Реакторот со тешка вода се наоѓа на работ на Кондаб.
Армијата во соопштението наведува дека работи во таа област против иранската воена инфраструктура.
Истражувачкиот реактор е делумно изграден и порано бил познат како Арак, а Техеран ја информирал Меѓународната агенција за атомска енергија (МААЕ) дека планира да го започне објектот следната година.
Тешката вода помага во ладењето на нуклеарните реактори, но произведува плутониум како нуспроизвод што потенцијално може да се користи за производство на нуклеарно оружје.
МААЕ го повика Израел да не ги напаѓа нуклеарните објекти на Иран.
Инспекторите на МААЕ, наводно, последен пат го посетиле Арак на 14 мај.