Отворената комуникација е клучот за добра врска – без разлика дали станува збор за љубовно партнерство, семејна врска или пријателство кое трае од училишните денови.
Но, и покрај ова, има многу од нас кои често претпочитаат да „читаат умови“ отколку да поставуваат прашања и да отвораат дијалог за решавање на можните проблеми.
Без разлика колку добро познаваме одредена личност, вистината е дека не можеме да знаеме што мисли во секој момент. Ако некој пријател, на пример, ви го откажал кафето неколку пати во последен момент, заборавил да ви се јави или да ви посака среќен роденден, тоа не е причина да започнете негативно да размислувате за неа – или за себе.
Животот може да биде стресен, непредвидлив и полн со проблеми, што се покажа како особено вистинита изјава во последните две години.
Луѓето понекогаш забораваат важни работи затоа што се преоптоварени со секојдневни обврски, а не затоа што повеќе не ве сакаат, не се грижат за вас и вашата благосостојба.
Извади го од глава – Сигурно е лута затоа што јас…, веројатно не и се допадна кога јас…, 100 проценти мисли дека сум… и слични реченици.
Шокантно едноставно, но вистинито – прашајте пред да започнете да заклучувате зошто некој направил нешто или заборавил да направи нешто. Можеби ќе бидете пријатно изненадени од одговорите.
Разговарајте со пријател на нежен начин и без непотребно обвинување. Наместо агресивни зборови, обидете се на овој начин: чувствувам дека нешто се случува во твојот живот што те мачи. Дали сакаш да разговараш за тоа?
Исто така, не заборавајте да ги соопштите вашите желби. Ниту една страна не може да ви го прочита умот ниту да знае дека се чувствувате лошо ако не ѝ кажете.
Имајте на ум дека лошата комуникација не носи ништо добро – само незадоволство, лутина и огорчување.