Иран најави реципрочен одговор на новите санкции на ЕУ

Сподели со своите пријатели

Иран ги осуди новите санкции наметнати од Европската унија (ЕУ) врз нејзините функционери и институции, најавувајќи дека наскоро ќе одговори со реципрочни мерки.

Loading...

Портпаролот на Министерството за надворешни работи, Насер Канани, санкциите на ЕУ ги нарече кршење на меѓународното право и јасен пример за мешање во внатрешните работи на Иран, пренесува Анадолија.

„Жално е што одредени политички мотиви, како и потпирањето на неосновани, искривени информации и измислени тврдења на непријателите на иранската нација и познатите медиуми поврзани со нив, се основата на таквата погрешна и неконструктивна одлука“, рече Канани.

Тој додаде дека новите санкции се показател за продолжување на пристрасниот пристап и искористувањето на човековите права како алатка за постигнување политички цели.

ПРОЧИТАЈТЕ И:  Судир меѓу полицијата и демонстрантите во Кина поради ковид мерките

„Иран веќе верува дека ЕУ и нејзините членки ги кршат човековите права поради нивното недејствување и соработка во однос на незаконските санкции на Соединетите Американски Држави“, рече Канани.

Канани најави дека, како одговор, Иран наскоро ќе воведе реципрочни санкции за релевантни европски поединци и институции.

Во понеделник, на состанокот на министрите за надворешни работи на земјите од ЕУ, беше одлучено да се воведат санкции против 11 физички лица и четири субјекти за задушување на протестите во Иран поради смртта на Махса Амини во полициски притвор.

Санкциите се насочени кон иранската морална полиција и двајца нејзини службеници, како и локални раководители на иранските сили за спроведување на законот, како и Иса Зарепур, министерот за информатичка и комуникациска технологија.

Loading...
ПРОЧИТАЈТЕ И:  Почина поранешниот кинески претседател