Инстаграм вчера објави дека воведува можност за корисниците да прикачуваат или означат најмногу три објави, вклучувајќи фотографии или Reels, на горниот дел од нивниот профил.
Компанијата вели дека новата функција ќе им овозможи на креаторите „поголема флексибилност да се изразуваат на нивните профили“.
„Pin to your profile“
Можете да закачите објава така што ќе отидете на одредена фотографија или на Reels и ќе кликнете на трите точки во горниот десен агол и ќе изберете „Pin to your profile“.
Кога ќе го направите тоа, објавата ќе се појави на врвот на вашиот профил.
Можноста за прикачување на одредена објава на вашиот профил е добредојдена карактеристика за корисниците кои сакаат да ги истакнат своите омилени објави кои можеби биле закопани некаде длабоко во нивниот профил.
You like it? You pin it 📌
You can now choose up to three posts or Reels to pin to the top of your profile. pic.twitter.com/9waQkueckG
— Instagram (@instagram) June 7, 2022
Оваа функција може да биде корисна и за креаторите кои често објавуваат, но сакаат да истакнат одредена објава.
Во моментов, корисниците имаат можност да ги прикачуваат приказните на нивниот профил, но оваа нова функција ќе биде дополнителна екстензија.
Вреди да се напомене дека новата функција работи слично како функцијата „Pin to Your Profile“ на Twitter и функцијата „Pinned Videos“ на TikTok, и двете ви овозможуваат да ја прикачите содржината на врвот на вашиот профил.
Нови функции за Reels на Facebook и Instagram
Вчерашната објава доаѓа откако Мета неодамна лансираше неколку функции за Reels на Facebook и Instagram.
Што е најважно, функцијата за аудио синхронизација е воведена на Facebook Reels и додадена е поддршка за подолги ролни на Instagram до 90 секунди, во споредба со претходната граница од 60 секунди.
Компанијата, исто така, претстави уште неколку креативни алатки, аудио алатки, шаблони и други опции за да ги направи Reels попривлечни.