Малкумина знаат дека никотинот, кој е природна состојка на тутунот, не е тој кој е главен предизвикувач на болести од пушењето кои се често со фатални последици, туку дека главен „виновник“ е чадот. Чадот од цигарите содржи илјадници штетни супстанци од кои најголем дел настануваат при согорување на тутунот на температури дури до 900 степени.
Токму затоа за најголемата тутунска компанија во светот Филип Морис Интернешнел беше предизвик да се најде начин на користење на тутунот кој ќе овозможи да се сочува ритуалот на уживање во тутунот, но на начин што ќе се избегнат штетните состојки што се создаваат при согорувањето. По обемни истражувања најголемата тутунска компанија успеа да создаде револуционерен производ кој претставува иновативно решение во начинот на консумирање на тутунот и е помалку штетна алтернативна на цигарите.
Над 10 години во два истражувачки центар – во Швајцарија и Сингапур работеа над 400 научници од разни профили при што во истражувањата се вложени над 7 милијарди долари. Како резултат на тоа се создаде IQOS (ајкос) – електронски уред кој не го согорува, туку само го загрева тутунот. Новиот производ е алтернатива на цигарите, без штетниот тутунски чад. Благодарение на софистицираната технологија, IQOS го загрева тутунот на температура од најмногу 350 степени, со што се избегнува согорување и создавање на пепел и чад.
На овој начин се создава аеросол кој содржи никотин, а притоа има до 95% помалку штетни материи споредено со чадот од цигарите. Новиот револуционерен производ почна да се продава во 2014 година, прво во Јапонија, земја со висока еколошка свест и свест за иновации, во која со самата негова појава огромен дел од возрасните пушачи преминаа на новиот производ.
Овој производ веќе е присутен во регионов – Словенија, Хрватска, Србија, БиХ, Бугарија и Грција, а минатата година беше претставен и во Скопје. Но, отсега може да го најдете и во Куманово во Павел Тобако во центарот на градот.