Бројот на загинати во земјотресот што во понеделникот го погоди индонезискиот остров Јава се искачи на 310, додека уште 24 лица се водат како исчезнати, соопшти денеска Националната агенција за вонредни ситуации, пренесува Ројтерс.
Според соопштението, спасувачките тимови продолжиле да ги расчистуваат урнатините за да ги пронајдат луѓето кои се уште се водат како исчезнати, но надежите дека ќе се најдат живи се мали.
Стотици Индонезијци се молеа денеска на улиците на Чианџур, откако земјотрес речиси го срамни градот во Западна Јава, јавува британската агенција.
Муслиманскиот свештеник Мухамед Џамхур водеше собраниска молитва на отворено игралиште за одбојка на само 200 метри од џамија чии ѕидови беа испукани и скршени прозорци во земјотресот од 5,6 степени што го погоди Чианџур, околу 75 километри јужно од главниот град Џакарта.
„По катастрофата сè уште се плашиме, па моравме да се преселиме на теренот за одбојка. Ја замолив заедницата да биде внимателна бидејќи катастрофата може да се повтори“, рече Џамхур.
Стотици последователни потреси го погодија планинскиот регион, а обилните дождови и лизгањето на земјиштето ја забавија испораката на храна, вода и лекови до населението.
Индонезија е една од најзагадените области во светот, потсетува британската агенција.