Додека научниците се обидуваат да ја утврдат вистината за постоењето на душата и што се случува со неа по смртта на телото, сè повеќе има луѓе кои доживеале клиничка смрт и кои доживеале нешто необично во тоа време.
Некои од овие приказни се објавени на социјалната мрежа „Редит“ и, без разлика дали верувате во рајот и пеколот или нешто сосема друго, сигурно ќе ве натера да се запрашате дали има живот после смртта.
Корисник на „Редит“ со прекар „Schneidah7“ изјави дека имал несреќа додека возел мотор.
Тој бил однесен во болница каде е откриено дека е клинички мртов. Тој рекол дека пред да биде пренесен во болница, имал визија за тоа како го посетуваат блиски роднини.
– Се сеќавам дека бев на тротоарот, а потоа сè стана темно и тивко. Единствената причина што не заспав е затоа што слушнав некој како вика: „Стани, ајде, човек, стани“. Тогаш се чувствував како некој да ме удира по кацигата (што беше многу сплеската на мојата глава). Кога ги отворив очите, го видов брат ми како клечи на тротоарот покрај мене. Тоа беше чудно, затоа што мојот брат почина од предозирање пред неколку години. Единствено што се сеќавам е дека тој погледна во часовникот и му рече нешто на момчето: „Тој ќе биде тука многу наскоро“ и потоа замина. Посакувам да споделам повеќе детали со вас, но искрено не се сеќавам на инцидентот и сè уште имам проблем да се сетам по таа несреќа – напиша тој.
Лицето со прекар „altburger69“ имало блиска средба со смртта што не го спречила да се шегува.
– Имав срцев удар минатата година и моето срце запре трипати во собата за итни случаи. Секојпат кога шокирачот ме враќаше во живот, се чувствував како да се будам и се чинеше дека секој пат сум кажувал на персоналот различна чук-чук шега. Не видов светлина или ништо, само се чувствував како да спијам – напиша тој.
Корисник „TheDeadManWalks“ имал слично чувство како да спие. Тој минувал низ хемотерапија со месеци кога почнал да крвари неконтролирано од носот.
Поради сепса и инфекција, неговата состојба одеднаш се влошила, по што неколку пати бил оживеан.
– Најлош дел од сето тоа, кога ќе погледнам наназад, е колку мирно изгледаше сè. Се чинеше како да сакате да кликнете на копчето “snooze” на алармот што ве буди во седум наутро. И може дури и да кликнете еднаш или двапати, а потоа запомнете дека мора да одите на училиште или на работа и дека спиењето може да почека затоа што сè уште треба да направите работи – рече тој.
„Monitormonkey“ опишал како бил клинички мртов неколку минути кога изгубил многу крв за време на операцијата.
– Се разбудив во нешто што изгледаше како универзум, но немаше sвезди ниту светлина. Не лебдев така да речам, јас само постоев. Не ми беше ниту топло ниту ладно, ниту бев гладен ниту уморен – сè беше некако смирено и неутрално. Знаев дека има светлина и љубов некаде во близина, но не брзав ниту имав потреба веднаш да одам кај неа. Се сеќавам дека размислував за мојот живот, но не беше како монтажата во филмови. Повеќе ми беше како мрзливо да разгледувам низ книга, а исечоци се издвојуваа таму-ваму. Што и да беше, ми се смени мислењето за неколку работи. Сè уште се плашам да умрам, но не сум загрижен што се случува после тоа. Се чинеше како да ме привлекоа во црна дупка – напиша тој.