Илон Маск е познат по своите компании од висок профил како Tesla и SpaceX, но милијардерот има неколку необични потфати под појасот.
Тој ја основал една од своите компании, вели Маск, со цел да постигне „симбиоза“ меѓу човечкиот мозок и вештачката интелигенција. Таа компанија е Neuralink, за која пишувавме неколку пати.
Neuralink е компанија на Маск за технологија за невронски интерфејс. Познат во научните кругови како „интерфејс мозок-компјутер“ односно brain-computer interface, скратено BCI.
Развива уред кој би се вградил во мозокот на една личност, каде што ќе ја сними мозочната активност и потенцијално ќе ја стимулира. Маск ја опиша технологијата како „FitBit во вашиот череп“.
Додека Маск сака да зборува за својата футуристичка визија за технологијата, технологијата има некои потенцијални краткорочни медицински апликации,
Neuralink во моментов развива две работи. Првата работа е, очигледно, чип што би бил вграден во черепот на една личност, со електроди кои би се прошириле до неговиот мозок.
Другиот е робот кој може автоматски да вгради чип.
Чипот што го развива Neuralink е со големина на паричка. Од чипот, низа ситни жици, секоја околу 20 пати потенка од човечка коса, се шири до мозокот на пациентот.
Жиците се опремени со 1.024 електроди кои се способни да ја следат активноста на мозокот и, теоретски, електрично да го стимулираат мозокот. Овие податоци се пренесуваат безжично преку чип на компјутер, каде што истражувачите можат да ги проучуваат.
Од друга страна, роботот би извршил операции со помош на цврста игла за да ги пробие флексибилните жици што излегуваат од чипот Neuralink во мозокот на човекот, нешто како машина за шиење.
Neuralink објави видео на кое го прикажува роботот уште во јануари минатата година.
Маск тврдеше дека оваа машина може да овозможи имплантација на електроди Neuralink, речиси исто толку лесно како операцијата LASIK на очите.
Иако ова е смело тврдење, невронаучниците изјавија за Business Insider уште во 2019 година дека машината има некои многу ветувачки карактеристики.
Роботот е висок речиси 2 ипол метри, а додека Neuralink ја развива основната технологија, Woke Studios е одговорен за дизајнот на роботот.