Во текот на ноќта и изутринава времето беше облачно со врнежи од дожд, особено во западните делови, а на планините од снег.
Утрово на места има појава на слаба магла, а во Демир Капија магла со намалена видливост до 50м, информираат од Управата за хидрометеоролошки работи.
Претежно облачно со повремени врнежи од дожд, а на планините од снег е метео прогнозата на синоптичарите при УХРМ, за во текот на денот.
Пообилни врнежи ќе има во западните и јужните делови. Ќе дува слаб до умерен ветер од североисточен правец.
Максималната температура ќе биде во интервал од 6 до 11 степени.
Во Куманово и околината денеска ќе имаме облачно време со врнежи од дожд. Максималната дневна температура ќе се движи околу 11 степен.
Слично време ќе се задржи дури до следниот четврток.
Никола Ивановски