Холандски адвокати бараат од судот да го забрани извозот на делови за воени авиони во Израел

Сподели со своите пријатели

Адвокатите за човекови права побараа од судот во Холандија да го запре извозот на делови за борбени авиони во Израел кои би можеле да се користат во нападите врз Газа.

Loading...

Организациите за човекови права рекоа дека испораката на делови за Ф-35 ја прави Холандија соучесник во можните воени злосторства извршени од Израел во неговата војна со Хамас.

Граѓанскиот случај во Хаг беше покренат во понеделникот кога израелската војска ги обнови повиците за масовна евакуација од јужниот град Кан Јунис, каде десетици илјади раселени Палестинци побараа засолниште во последните недели од ескалацијата на израелската копнена офанзива во Појасот Газа.

ПРОЧИТАЈТЕ И:  Израел го нападна Иран?

Холандската „држава мора веднаш да престане да го снабдува Израел со делови за Ф-35“, рече адвокатката Лизбет Зегвелд пред судот.

Владиниот адвокат Рајмер Велдхуис го повика судијата да не ја одобри забраната, велејќи дека дури и ако адвокатите за човекови права успеат во нивниот случај, „САД ќе ги испорачаат овие делови во Израел од друго место“.

Велдхуис додаде дека Израел има право на самоодбрана и дека владата „смета дека во овој момент не може да се утврди јасен ризик од сериозни прекршувања (на меѓународното право) со употребата на Ф-35“.

Одлуката се очекува во рок од две недели и може да се обжали.

ПРОЧИТАЈТЕ И:  Објавени снимки од нуклеарниот објект во Исфахан по нападот од Израел