Украина е погодена од неколку сајбер напади, за кои владата на таа земја тврди дека се на сосема друго ниво.
Вчера беа нападнати неколку веб-страници на украинските владини служби и банки, а на корисниците им беше забранет пристапот.
„Почна уште еден масовен DDoS напад врз нашата земја“, напиша Михаил Федоров, министер за дигитална трансформација на Украина, во Телеграма.
Првиот сајбер напад се случи во јануари. Тогаш беа затворени околу седумдесет веб-страници на украинската влада.
Пред да бидат оневозможени сајтовите, се појави порака со предупредување Украинците да се „подготват за најлошото“. Западните земји ја обвинија Русија за нападот.
Минатата недела сличен напад собори мал број сајтови, а сега ситуацијата е повторно иста.
Податоците од компанијата за безбедност на Интернет Netblocks покажуваат дека нападите со текот на времето стануваат се почести.
Компанијата додаде дека станува збор за таканаречени DDos напади. DDos нападите се вршат на илјадници компјутери и имаат за цел да ги преоптоварат серверите и да „срушат“ веб-страница.
„Украинските воени и банкарски веб-страници се опоравуваат по денешните сајбер напади.
И покрај тоа, инцидентот е во тек и се меша во работата на безбедносните служби во Украина. Тоа укажува на сериозноста на инцидентот“, истакнуваат аналитичарите за Би-Би-Си.
Националниот центар за национална безбедност на Обединетото Кралство и институциите во САД по тој повод обвинија руски хакери, додавајќи дека тоа го прават по директна директива на Кремљ.
⚠️ Confirmed: #Ukraine‘s Ministry of Foreign Affairs, Ministry of Defense, Ministry of Internal Affairs, the Security Service of Ukraine and Cabinet of Ministers websites have just been impacted by network disruptions; the incident appears consistent with recent DDOS attacks 📉 pic.twitter.com/EVyy7mzZRr
— NetBlocks (@netblocks) February 23, 2022
Хибридна војна
Хибридното или асиметричното војување е редовен дел од современите конфликти, а Русија се покажа како многу успешна во сајбер нападите.
Според Би-Би-Си, DDoS нападите се користени во различни кампањи како дел од руската тактика на таканаречената „хибридна војна“, комбинирајќи сајбер напади со традиционални воени активности.
Од друга страна, поради кризата во Украина, Европската унија започна да распоредува тим за сајбер за брз одговор (CRRT) чија цел е да го подигне нивото на сајбер безбедност во ЕУ на повисоко ниво.
CRRT е иницијатива насочена кон продлабочување на соработката меѓу земјите-членки во одбранбените системи.
DDoS напади ги погодија и Грузија и Крим во 2008 и 2014 година.
Москва постојано негира дека стои зад нападот и ги отфрла таквите тврдења како „русофобични“.