Хаити се соочува со хуманитарна катастрофа бидејќи се бори со неухранетост, насилство од банди, инфлација и епидемија на колера, објави денеска Светската програма за храна (WFP).
„Хаити се соочува со хуманитарна катастрофа“, изјави за новинарите Жан-Мартин Бауер, директор на WFP во Хаити, додавајќи дека ситуацијата таму е „блиску до точката на прекршување“, според Ројтерс.
Хаити потврди 32 случаи на колера и 18 смртни случаи поврзани со болеста од 9 октомври, објави во средата Панамериканската здравствена организација.
Генералниот секретар на Обединетите нации, Антонио Гутереш во понеделникот го повика Советот за безбедност на ОН итно да го разгледа барањето на Хаити за распоредување меѓународни специјализирани вооружени сили за решавање на хуманитарната криза, изјави портпаролот на ОН Стефан Дијарик.