Гугл долго време им нуди на корисниците опција да овозможат 2FA на нивните сметки, но од 2021 година, таа функција е стандардно вклучена.
Ова се покажа како одлична одлука за Гугл, бидејќи според компанијата, бројот на хакирани сметки паднал за 50 отсто.
„Ние обезбедуваме алатки кои се лесни за употреба, како што е проверка на безбедноста, за да им обезбедиме на корисниците активни препораки за зајакнување на безбедноста на сметката на Гугл . Во текот на 2021 година, автоматски ставивме повеќе од 150 милиони луѓе во процесот на верификација во два чекора. Како резултат на овие напори, дојде до намалување за 50% во компромисите на сметките“, вели Гугл.
За оние што не се запознаени, 2FA покрај лозинката на корисникот создава еднократна шифра која се испраќа до телефонот на корисникот преку СМС или апликација за верификација. Ова е дополнителна заштита, која влегува во игра доколку хакер ја открие вашата лозинка. Хакерот нема да може да влезе во сметката на корисникот, освен ако има 2FA код.
Иако ова е дополнителен чекор во процесот на најавување на сметката, опцијата обезбедува дополнителна заштита за сметката на корисникот.