Извршниот директор на Гугл, Сундар Пичаи, во средата претстави паметни очила кои можат да преведуваат јазици во реално време.
Иако тие сè уште се само прототип, Google предложи очилата да можат да покажат превод во живо на личноста што ги носи.
Така, некој со очила за проширена реалност би можел да разбере што зборува другата личност само со читање на натписите што се прикажуваат низ леќите додека другиот зборува.
Компанијата првпат започна со паметни очила пред околу една деценија, но очилата на Гугл биле непривлечни за повеќето потрошувачи поради ограниченото лансирање, високите почетни цени и загриженоста за приватноста.
Сепак, се чини дека Гугл продолжува со овој напор. Пред две години ја купи Норт, компанија која произведува паметни очила.
Не е јасно дали очилата на Гугл некогаш ќе се појават на пазарот, но прототипот дава чувство за тоа каде Гугл мисли дека проширената реалност може да биде корисна.