Лидерите на групата Вагнер, платеничка група која директно одговара на Владимир Путин, имаат исто влијание во Кремљ како и министерот за надворешни работи Сергеј Лавров и министерот за одбрана Сергеј Шојгу, изјавија рускиот дисидент и поранешен политички затвореник Михаил Ходорковски пред парламентот на Велика Бритнаија.
Ходоровски му рече на Комитетот за надворешни работи дека Евгениј Пригожин, бизнисмен кој призна во септември 2022 година по многу шпекулации дека ја основал платеничката група Вагнер, има исто толку влијание врз Путин како и највисоките владини функционери.
Тој откри дека Пригожин стои и зад неодамнешното назначување на генерал Сергеј Суровикин за шеф на воената операција во Украина.
Кој ќе преземе одговорност ако руската „воена операција“ пропадне?
Популарноста на групата Вагнер во Русија се зголеми во последните неколку месеци бидејќи нејзиното постоење беше претставено како алтернатива на поширока мобилизација.
Сепак, Ходорковски, исто така, вели дека групата Вагнер нема да преземе одговорност доколку воените операции во Украина тргнат наопаку, бидејќи нејзините 7.000 платеници не се натпреваруваат за руските воени сили, кои брои меѓу 150.000 и 200.000 луѓе.
Во тој случај, вината ќе ја преземат финансиерот на Путин, Јуриј Ковалчук и Шојгу, за кои се верува дека најмногу се залагале за инвазија на Украина и најавиле дека Киев „ќе падне за три дена“.
Ходорковски смета дека Путин користи платенички групи како Вагнер, во чии редови често има затвореници, со цел да лаже, да негира одговорност и полесно да спроведе нелегална надворешна политика.
„Тие се занимаваат со тероризам и убиства“, рече Ходорковски и се спротивстави на Обединетото Кралство и другите земји што бавно ја осудуваат оваа група, и покрај нејзината „терористичка активност“ во Африка.
Ремобилизацијата е опасна за Путин
Ходорковски рече дека рестартирањето на мобилизацијата ќе биде опасна одлука за Путин, особено откако тој се откажа од тоа поради големиот отпор низ земјата.
Тоа го поткрепува и фактот што околу 700.000 луѓе ја напуштија Русија по почетокот на процесот на мобилизација.
„Ова претставува голема опасност за руската одбранбена индустрија и руската економија“, тврди Ходорковски. Тој вели дека за Русија тоа би можело да биде поголем удар за економијата од сите западни санкции.
Ходорковски ја искористи оваа прилика да го повика Обединетото Кралство да ги прифати руските бегалци, за кои вели дека се високообразовани луѓе со моќ на трошење кои се атрактивни вработени.
Меѓу нив има 30.000 програмери кои сега се на Кипар, а чие заминување од земјата значително ја загрози способноста на Русија да води сајбер војна.