27.04.2015 18:51

Грицкајте индиски ореви за полесна диета


Индискиот орев (Anacardium occidentale) е мало зимзелено дрво, чија најголема висина е 12 метри. Потекнува од Бразил, а поради својот вкусен плод денес се одгледува во многу тропски подрачја. Неговото семе има облик на бубрег, а најчесто се одгледува во Индија, Кенија и Танзанија.

Индискиот орев е исклучително хранлив, бидејќи изобилува со протеини и есенцијални витамини и минерали како бакар, калциум, магнезиум, железо, фосфор, калиум и цинк. Тој содржи многу повеќе масти од другите орашасти плодови. Две третини од мастите во индискиот орев се незаситени масни киселини, а 75% од тие незаситени масни киселини ги сочинува олеинска киселина (ја содржи и маслиновото масло, а позната е по своето благотворно дејство врз здравјето на срцето.

loading...

Позитивно делуваат на дијабетесот, помагаат во намалување на нивото на триглицериди и заштитуваат од понатамошни компликации поврзани со високо ниво на шеќер и холестерол. Нивното редновно консумирање го намалува ризикот од појава на дијабетес тип 2. Индиските ореви се одличен извор на антиоксиданси, а обезбедуваат и фосфор кој е неопходен за здрав развој на забите и коските.

Индиските ореви ногу често се препорачуваат  како дел од здрава диета за слабеење. Тие не содржат холестерол, богати се со диетални влакна и даваат многу енергија. Умереното консумирање на оваа намирница во текот на диетата дава чувство на ситост и задоволство. Содржат и цинк, кој игра важна улога во зајакнување на имунолошкиот систем.


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments