Затворениот градски базен во Куманово нема работи наредните 14 дена. Надлежните од јавното претпријатие „Чистота и Зеленило“ под чии ингеренции е градскиот базен, велат дека базенот нема да работи, согласно последните забрани за користење на секаков тип на пливачки базени во државата за период од 14 дена, согласно заклучоците на Владата за превенција од ширење на коронавирусот.
-Ги информираме граѓаните, спортските клубови, дека базенот нема да работи наредните 14 дена-изјави, директорот на претпријатието, Даниел Стојчевски.
Владата на Република Северна Македонија, на 15-тата седница, одржана вчера, покрај усвоените заклучоци, мерки и препораки во функција на преземање дополнителни мерки и активности за превенција од ширење на болеста COVID-19 (корона вирус), донесе уште еден, дополнителен заклучок со кој се забранува користење од секаков тип на пливачките базени на територијата на Република Северна Македонија, за период од 14 дена.
МИА