Голема акција во САД и Италија: Уапсени 16 членови на озогласеното семејство Гамбино

On:
Сподели со своите пријатели

Шеснаесет наводни водачи и соработници на криминалното семејство Гамбино се уапсени во САД и Италија, објавија американските обвинители.

Loading...

Обвиненијата против нив вклучуваат рекетирање, изнуда, одмазда против сведоци, заговор и измама.

Десет од нив беа уапсени во областа на Њујорк, а шест беа уапсени од италијанските власти во Палермо, Сицилија.

Според американското Министерство за правда, во моментов е во бегство уште еден осомничен.

Осомничените кои живеат во САД се изведени пред суд во Њујорк.

Во обвинението, обвинителите презентираа шема на заплашување и насилни напади со намера да проневера на средства и да ги измами синдикатот и плановите за бенефиции на вработените.

Цел на мафијашите биле компаниите за уривање и компаниите за собирање и отстранување ѓубре.

Според обвинението, членовите на групата им се заканувале на бизнисмените и барале да им се исплати одредена сума за обезбедување заштита.

Loading...

Тие се обвинети за избегнување на правилата на синдикатот и местење понуди за профитабилни договори за уривање, пишува Би-Би-Си.

Обвинетите се обвинети и за закани на сведоци, за перење пари и за кривични дела поврзани со огнено оружје.

Меѓу уапсените се – капетан на семејството Џозеф „Џо Бруклин“ Лани, семејниот војник Анџело „Фифи“ Градилоне и соработникот на сицилијанската мафија Франческо Викари, познат и како „вујко Чичо“.

Семејството Гамбино е едно од петте истакнати мафијашки семејства од областа Њујорк, колективно познати како Ла Коза Ностра.

Семејството го водеше шефот Џон Готи до неговата смрт во затвор во 2002 година, а подоцна и од Френк Кали, кој беше застрелан пред неговиот дом во Стејтен Ајленд во март 2019 година.

Неговата смрт го означи првото насочено убиство на мафијашки бос во градот по смртта на тогашниот шеф на семејството Гамбино, Пауло Кастелано во 1985 година.

Неколку неодамнешни истраги и полициски операции беа насочени кон групата во САД и Италија.

Обвинетите се соочуваат со казни од 20 до 180 години затвор.

Loading...