На социјалните мрежи се шири информација дека 96-годишен маж кој преживеал неколку концентрациони логори во Втората светска војна е убиен во бомбардирањето на украинскиот град Харков.
Борис Романченко загинал кога бомба ја погодила станбената зграда во која живеел, објави Фондацијата за сеќавање на жртвите од камповите Бухенвалд и Мителбау-Дора.
Boris Romantschenko survived the concentration camps #Buchenwald, #Peenemünde, #Dora and #BergenBelsen. Now he has been killed by a bullet that hit his house in #Charkiv, #Ukraine. He was 96 years old. We are stunned. pic.twitter.com/ZZIK2OdbAu
— Stift. Gedenkstätten Buchenwald und Mittelbau-Dora (@Buchenwald_Dora) March 21, 2022
„Со ужас јавуваме за насилната смрт на Борис Романченко во војната во Украина. Поранешен затвореник и потпретседател на Меѓународниот комитет за Украина Бухенвалд-Доре почина во петокот во Харков.
Бомбата ја погодила станбената зграда во која живеел. Неговиот стан изгоре до темел“, напишаа тие на Твитер.
Во соопштението се истакнува и дека Романченко ги преживеал концентрационите логори Бухенвалд, Мителбау-Дора и Берген Белсен.
96-year-old Borys Romanchenko, who survived in Nazi concentration camp Buchenwald, died from shelling in Kharkiv.
Putin managed to “accomplish” what even Hitler couldn’t.#RussianWarCrimesinUA#stoprussia pic.twitter.com/67mfcot3Ah— Defence of Ukraine (@DefenceU) March 21, 2022
Информацијата на Твитер ја сподели Министерството за одбрана кое напиша:
„96-годишниот Борис Романченко, преживеан од нацистичкиот концентрационен логор Бухенвалд, беше убиен во бомбардирањето на Харков. Путин успеа да го постигне она што дури ни Хитлер не успеа да го постигне“.
Скај њуз ја забележува суровата и вознемирувачка иронија на оваа вест бидејќи режимот на Путин тврди дека се бори за „денасификација“ на Украина.