Во блиска иднина, глобалното ниво на морињата ќе се зголеми за речиси 30 сантиметри поради топењето на мразот на Гренланд, а новото истражување вели дека не постои начин да се запре, дури и ако денес престанеме да испуштаме гасови со ефект на стаклена градина.
Според една нова студија, вкупната загуба на мраз од ледената покривка на Гренланд ќе предизвика зголемување на нивото на морето за најмалку 25 сантиметри, без оглед на можните сценарија за глобално затоплување.
Експертите од Геолошкиот институт на Данска и Гренланд забележале промени во обемот на ледената покривка на и околу Гренланд.
Тие открија дека околу 3,3% од ледената покривка на Гренланд, што е еквивалентно на 110 трилиони тони мраз, сигурно ќе се стопи.
10 пати почести поплави поради плимата и осеката
„Порастот на нивото на морето ќе се зголеми поради овој процес, без оглед на тоа што се случува овој век со климатските промени“, рече геологот Џејсон Бокс од Геолошкиот институт на Данска и Гренланд, како што пренесува Си-Ен-Ен.
Научниците не го утврдиле точниот датум на покачување на глобалното ниво на морето, но наведуваат дека тоа би можело да се случи во секое време до крајот на векот.
Наодите доаѓаат по извештајот за порастот на нивото на морето во 2022 година, објавен претходно оваа година од Националната океанска и атмосферска администрација на САД (NOAA).
Во извештајот се наведува дека на бреговите на САД во следните 30 години може да се очекува покачување на нивото на морето од 25 до 30 сантиметри, што ќе предизвика плимни поплави 10 пати почесто и ќе овозможи брановите на бура дополнително да се шират во внатрешноста.
Подигнувањето на нивото на морето нема да биде насекаде исто
Гренланд има доволно мраз што, доколку се стопи, би можело да го подигне глобалното ниво на морињата за приближно 7 метри.
Експертите посочуваат дека подигнувањето на нивото на морето од, да речеме, 6 метри не значи дека ќе се подигне рамномерно во целиот свет, односно дека овој процес ќе доведе до уништување на некои области, додека нивото на морето може да падне во други.
Неколкудневните несоодветно топло време во северен Гренланд неодамна предизвикаа брзо топење на ледената покривка.
Само меѓу 15 и 17 јули на најголемиот остров во светот дневно се топеле 6 милијарди тони вода; што е доволно да се наполнат 7,2 милиони олимписки базени.
Истражувањето, насловено како Greenland ice sheet climate disequilibrium and committed sea-level, беше објавено во списанието Nature Climate Change.