Од почетокот на војната во Украина, германскиот канцелар Олаф Шолц е на удар поради недостигот на воена помош од Берлин.
Критиките не стивнуваат ниту сега кога тој решил да испрати оружје во Киев, бидејќи како што дознава германски Шпигел, Берлин во Украина испратил неисправни хаубици PzH 2.000, кои практично се неупотребливи на фронтот.
Според информациите од писмото на официјален Киев до германското Министерство за одбрана кон средината на оваа недела, некои од хаубиците, од вкупно седум испратени, по неколку употреби, покажале порака за „оперативна грешка“ и затоа потребна е поправка.
Извори од Бундесверот за „Шпигел“ велат дека проблемот веројатно е во интензитетот на употреба, кој секако е многу висок.
„Механизмот за полнење е во ситуација кога можете да испукате 100 тенкови дневно под висок притисок, а имаме информации дека Украинците пукале многу повеќе од тоа“, вели извор од германската армија.
Инаку, еден товар од оваа самоодна хаубица вклучува 60 проектили. Покрај тоа, војниците на фронтот наводно се обиделе да испукаат специјални, т.н. паметни проектили на преголема далечина.
Веднаш штом пристигнало писмото од Киев, Бундесверот наводно ветил дека веднаш ќе испрати дополнителна количина резервни делови за што поскоро хаубици да бидат функционални. Во Берлин инсистираат дека ваквите дефекти се очекувани и разбирливи.
Германија досега на Украина и испорача седум самоодни хаубици, а најави и испорака на уште три. Пред испораката, оператори од Украина беа донесени во Германија на обука.
Сите информации поврзани со најновите случувања со војната во Украина можете да ги прочитате ТУКА.